(رحيل جارح)

ردت سلامك باردة ونظرة أعيونك شاردة **** هذة ماهي طبايعك ولا يوم كانت فيك

قول ويش شاغلك راني احترت فيك **** الدمع مالي خاطرك وما قادر اتوارية

ماوالي غيري فهمك يعرف كل اللي فيك **** هذي ماهي عوايدك تسرح وتنسى اللي ايجيك

خبر وقول ايش صارلك بعماقي حاسس بيك **** نظرة عيونك فاضحة ان ماخاب ظني فيك

ان كان غيري شغالك لاتخاف انلوم عليك **** وحقك علي لانعاتبك ولانقول كلمة فيك

بس قول اللي في خاطرك وريح اشغولي بيك **** ولاتخاف من زعلتي ماني عليك حقود

راني من عيونك عارف ونرجى فيك اتقول **** نبيها منك صادقة ولاتجيني من حسود

حتى وان كانت جارحة عندي الحق اتقول **** والله ماني ليمك ولاسية فيك انقول

وحقي عليك انعاتبك ونبعد ونجافيك **** لكن خلاص ماللازمة اعتابي ماعاد ايفيد

مادام غيري شغالك مايهم اجفاي ليك **** انت اخترت صاحبك ونا جافي ايش ايريد

نبعد وعلى البعد قادر لكن نسياك صعيب ****وشديت رحيلي كتمة ودمع جروحي عليك